حَفيد الملك

ياهاجسي لامن طلبتك قولي هل من مزيد=اصعد منابر سامي الشعر النقي وخطب بها
شاعر (ا)هجوسي فالمواقف تقصي القاف العنيد=اتعب على جزل المعاني واقتطف من لبها
شعري لـ مدح اهل والوفا والمرجله ياتي وليد=وانا بحور الشعر بانواع الطروق العب بها
واليوم حَفيد الملك عبدالله ونعم الحفيد=جددت دعمك للعوادي من زيادة حبها
باسم الوطن ترفع فروسية وطنا من جديد=حتى غدت كل الصحف من قوها تكتب بها
دعمك سخي وانته سخي تبحث عن الشي المفيد=ماهوب مثل اللي يمد المده وينصب بها
ماهي غريبه وانت جدك جعل عمره في مزيد=كريم .. خيرات الوطن في يدين شعبه صبها
بعد القريّب عاش في خيره رغد عم البعيد=من جود ربي مال جوده حسبت ٍ يحسب بها
خادم بيوت الله وقهّار الاعادي والضديد=والنصر من ربي ولا به وقعت ٍ يغلب بها
فينا بشرع الله حكم فينا .. وبـ الراي الرشيد=وسياسته بين الامم صار المثل يضرب بها
اي والله انا نفرح بشوفه وشوفه يوم عيد=وتفرح شعوب ٍ ترفع (ا)يديها وتطلب ربها
امين قولوا ياعسى عمرك يابو متعب مديد=وامين قولوا ربنا دعواتنا لك لبها